Thursday, August 22, 2019

140 ILIGANONS NAGHIUSA SA PAGDONAR UG DUGO

(Miyerkoles, Ika-13 sa Pebrero 2019)

 

MIKABAT ngadto sa 140 ka tawo ang na Check-up sa nahigayong Bloodletting activity kagahapon didto sa City Hall apan 136 lamang niini ang nakapasar sa Medical Examination nga gipahigayon sa Philippine Red Cross-Iligan Chapter uban sa mga doktor sa lokal nga kagamhanan. Mapasalamaton si Wilma Beñiga, ang hepe sa CMO-Bloodletting Office ngadto sa mga donors nga kinasingkasing nagpresentar sa ilang kaugalingon aron maka donar og dugo para mahimong tabang pundo alang sa mga katawah’ng kabos sa Iligan. Sumala pa makatabang usab sa usa ka donor ang pagdonar og dugo alang sa maayong panglawas tungod kay posibleng mahilikay kini sa mga balatian.

 

– Maricris Jumalon Tumimbang / CIO