Monday, September 24, 2018

20 MILYON PESOS, GAHIN SA ADMINISTRASYONG REGENCIA ALANG SA SCHOLARSHIP PROGRAM

(Martes, Ika-15 sa Mayo 2018)

 

20 milyon pesos ang igahin sa administrasyong Regencia alang sa scholarship program ngadto sa mga kabatan-unang kabus og dili kaya mogastos sa pag-eskwela. Gikabutyag ni Vice mayor Jemar Vera Cruz niadtong Biyernes atol sa people’s day didto sa Brgy. Tambacan nga nagka-uyon sila ni Mayor Regencia og ang mga konsehales alang sa maong programa. Busa, paga-hisgutan kini karong umaabot nga sesyon sumala pa sa bise mayor og pagahimuan og usa ka ordinansa. Gidugang usab ni Vera Cruz, nga usa sa ilang tumong ni Mayor Regencia nga mahatagan og eksaktong edukasyon ang mga kabus nga kabatan-unan diri sa Iligan kay diin mao kini ang usa nga nagpahikad kaniya aron motahan sa iyang kaugalingon alang sa kaayuhan og kalambuan sa mga katawhang kabus aron usab kini mulupyung hamugaway.

 

– – Maricris Jumalon Tumimbang / CIO

###