Tuesday, June 25, 2019

75 KA MGA DRUG SURRENDEREES, MIGRADWAR SA COMMUNITY BASED DRUG REHABILITATION PROGRAM (CBDRP)

(Lunes, Ika-14 sa Enero 2019)

 

MIABOT ngadto ka 75 ka mga drug surrenderees ang migradwar sa Community Based Drug Rehabilitation Program (CBDRP) niadtong milabay’ng adlaw didto sa Sangguniang Panlungsod Session Hall. Ang maong mga drug surrenderees gikan sa Barangay Sta.Elena ug Barangay San Roque ning dakbayan. Gipangulohan ang maong kalihokan sa Iligan City Anti-Drug Abuse Council (ICADAC) uban sa Committee on Drugs pinaagi ni Konsehal Rhandy Ryan Ong. Lakip nga misaksi sa maong graduation ceremony mao sila Elizabeth Buna, ang hepe sa Department of Interior & Local Government (DILG), Atty. Rafael Benedictos, Retired Col. Leony Roy Ga, Engr. Tata Tamula, Macky Macapagal ug ang ikaduhang amahan sa dakbayan nga si Bise-Mayor Jemar Vera Cruz nga mihatag sa iyang pulong kinaadman ngadto sa 75 ka mga drug surrenderees.

 

– Maricris Jumalon Tumimbang / CIO