Friday, October 19, 2018

ACTING MAYOR JEMAR VERA CRUZ, GISEGURO SA TANANG ILIGANON NGA “ONE HEART, ONE MIND” SILA NI MAYOR REGENCIA

(Miyerkules, Ika-13 sa Hunyo 2018)

 

GISEGURO ni Acting Mayor Jemar Vera Cruz ngadto sa katawhan sa Iligan nga usa ang ilang kasingkasing og hunahuna ni Mayor Celso Regencia isip mao kini ang kasamtangang naghupot sa posisyon sa pagkamayor. Sumala niini usa lamang ang tumong nila ni Regencia nga diin mao ang kaayuhan sa tanang katawhan og ang kalambuan sa dakbayan sa Iligan. Gipamahayag sa acting mayor atol sa usa ka programa didto sa City Hall nga andam kini kanunay alang sa pagcover-up kay Mayor Regencia samtang anaa pa kini sa nubenta ka adlaw nga suspenso og buhaton usab niini ang mga tahas og lakang nga kasamtangang gipasa ngadto niini aron ipadayon ang angay nga buhaton alang sa usa ka direksyon nga mao kaayuhan sa tanan. Sumala ni Vera Cruz nga ampingan niini ang katibuk-ang katawhan og ang dakbayan kauban ang kasamtangang Acting Vice Mayor Samuel “Tatay” Huertas og ang ubang konsehales. Gipaneguro usab niining, anaa sa maayong mga kamot ang siyudad sa Iligan.

 

– Maricris Jumalon Tumimbang / CIO

###