Wednesday, May 22, 2019

AFP AMINADO NGA MAHINUNGDANONG PAPEL ANG MARTIAL LAW SA PAGSEGURO SA ELEKSIYON SA MINDANAO

(Biyernes, Ika-17 sa Mayo 2019)

 

GIPAMATUD-AN nga usa ka importanteng butang ang Martial Law sa pagseguro sa medyo malinawon nga pagpahigayon sa 2019 midterm election diri sa Mindanao. Kini ang giluwatang pahayag ni Armed Forces of the Philippines (AFP) Spokesperson Marine Brig. Gen. Edgard Arevalo sa pakighinabi sa media niadtong Martes. Sumala ni Arevalo, nga dakong babag ang martial law ngadto sa mga malapasong grupo nga aduna’y tinguha nga guboton ang eleksiyon sa Mindanao tungod pinaagi niini mapugngan ang seryoso nga paglapas sa balaod ug kahusay ilabi na sa mga nagkalain-laing pribadong armadong grupo ug hulga. Gidayeg usab ni Arevalo ang kooperasyon sa katawhan sa mga lakang sa seguridad nga gihimo sa AFP ug sa Philippine National Police (PNP) tungod kay nahimo gihapong hapsay ug malamposon ang pagpahigayon sa eleksiyon 2019.

 

Maricris Jumalon Tumimbang / CIO