Thursday, April 26, 2018

ANTI-LITTERING TASK FORCE PADAYONG GIBANTAYAN ANG MGA NEGOSYANTENG NAMALIGYA SA GAWAS SA PALA-O MARKET

(Huwebes, Ika-28 sa Disyembre 2017)

 

HUGOT karong gimonitor sa Anti-littering Task Force ug Task Force Hapsay Dalan ang mga negosyante sa Pala-o Public Market nga kasamtangang gitugutan sa pagpamaligya sa gawas nga bahin sa dalang Laya ning panahon sa pasko. Sumala pa ni Mr. Sean Actub ang hepe sa ALTF nga dako na ug kahigayonan sa mga negosyante ang pagtugot sa Economic Enterprise Development and Management Office nga makabaligya sa gawas ang mga negosyante apan kinahanglan mutuman usab kini sa ilang gihatag nga boundary.

Sumala pa ni Mr. Actub nga tulo lamang ka linya sa mga tindahan ang gitugutan nga mamaligya gikan sa corner Badelles-Laya ug corner Aguinaldo St. ang matag linya sa tindahan dunay dalan alang ngadto sa mga mamalitay ug gilimitahan usab ang gidak-on sa matag stall sa mga negosyante nga ana-a lamang sa 2 by 3 meters matag usa.

 

– – Bobby Capangpangan/CIO

###