Friday, December 04, 2020

ANTI-RABIES VACCINATION PADAYON NGA GIPAHIGAYON SA CITY VET OFFICE

(Martes, Ika-27 sa Oktubre 2020)

 

Taliwala sa pandemya nga giatubang karon, padayon gihapon nga nagserbisyo ang City Veterinarian’s Office (CVO) pinaagi sa ilang nagkadaiyang programa ug usa niini ang anti-rabies vaccination diha sa mga kabarangayan diin gatosan ka mga iro ug iring ang nabakunahan sa anti-rabies.

Kanunay gipahinumdum ni City Veterinarian Dr. Dahlia Valera ngadto sa mga pet owners nga siguraduhon nga mabakunahan ang ilang binuhi nga mga iro ug iring aron maproteksyonan ang mga mananap ingon man ang katawhan batok sa makamatay nga rabies nga gikan sa laway sa infected nga mga mananap. Gawas sa schedule sa mga barangay, matag adlaw usab, adunay libreng anti-rabies vaccination ug neuter ang buhatan sa City Vet.

 

Maricris Jumalon Tumimbang / CIO