Thursday, October 29, 2020

ASF TASK FORCE, PADAYON SA PAGBANTAY SA MGA PRODUKTO SA BABOY NGA MOSULOD SA SIYUDAD

(Miyerkoles, Ika-7 sa Oktubre 2020)

 

Padayon nga ginabantayan sa mga miyembro sa African Swine Fever Task Force sa City Veterenarian’s Office- Meat Inspection Division ang mga pagsulod sa deliveries o kargamento sa mga baboy o produktong karneng baboy diri sa siyudad. Kini sa tumong nga ma-seguro nga walay makalusot o makasulod nga mga produkto gikan sa mga apektadong lugar sa ASF dinhi sa siyudad.

Gani, matag adlaw, gihimo sa team ang pag-panginspeksiyon sa mga entry checkpoints ning dakbayan, lakip na ang panginspeksiyon sa mga namaligya og letson baboy ingon man karne o mga produktong baboy o processed food sa Iligan.

Ginakumpiska gayud sa team ang mga karne o produktong baboy nga walay maipakitang dokumento gikan sa NMIS o National Meat Inspection Service.

 

Maricris Jumalon Tumimbang / CIO