Wednesday, August 22, 2018

BENEPISYO SA MGA BHW, GITUKI

(Lunes, Ika-6 sa Agosto 2018)

 

GITUKI sa Barangay Health Worker (BHW), ang mga benepisyo atul sa panagtigum sa Maayong Iligan Barangay Health Worker Association (MIBHWA) pinaagi sa pagpangulo ni Norma Garcia karong adlawa didto sa Sangguniang Panlungsod. Sumala ni Garcia, mahimong maka-avail ang usa ka BHW ug emergency loan kung kini usa ka lehitimong member sa assosasyon. Posibleng maka-pahimulos usab kini sa separation fee ug retirement fee sa edad nga sisienta’y singko anyos kung dili mo-ubos ngadto sa pulo ka tuig ang pagpanerbisyo niini isip BHW. Giasoy usab ni Garcia nga kinahanglan mosalmot gayud sa kanunay ang usa ka BHW sa tanang mga panagtigum hilabi na sa monthly meeting niini kay diin posible kining ma-drop out sa assosasyon kung aduna kini’y 3 consecutive absent sa mga meeting. Gi-klaro usab sa opisyal, nga wala’y retirement age ang usa BHW, kay diin anaa sa kaugalingong desisyon niini kung magpadayon gihapon kini sa iyang pagpanerbisyo bisan sa edad nga sisienta’y singko anyos.

 

– Maricris Jumalon Tumimbang / CIO

###