Monday, March 18, 2019

BINULANG PANAGTIGOM SA ILIGANCITY COUNCIL FOR CULTURE & THE ARTS DEVELOPMENT (ICCCAD), GIPAHIGAYON

(Miyerkoles, Ika-13 sa Marso 2019)

 

GIPAHIGAYON sa Iligan City Council for Culture and the Arts Development (ICCCAD) ang binulang panagtigom niini kagahapon sa Iligan Ethnic Center ubos sa pagpangulo ni Dr. Christian T. N. Aguado ug Patrick Nuñez, ang Special Operations Officer sa dakbayan. Gituki sa maong panagtigom ang ebalwasyon sa milabay’ng National Arts Month; ang mga plano kon proposisyon nga mga seminars ug workshop alang sa umaabot nga summer; ang proposal ni Aguado kalabot sa libreng special class sa linggwaheng Maranao alang sa tanang kawani ug opisyales sa City Hall lakip na ang mga preparasyon alang sa pagsaulog sa umaabot nga Independence Day, Charter Day, ug Flag Day diri sa atong dakbayan.

 

– Maricris Jumalon Tumimbang / CIO