Saturday, March 23, 2019

BISE-MAYOR VERA CRUZ, MIDASIG SA MGA MARKET VENDORS NGA DILI TUHOAN ANG MGA NEGATIBONG PANGHUNAHUNA

(Miyerkoles, Ika-9 sa Enero 2019)

 

GIDASIG ni Bise-Mayor Jemar Vera Cruz ang tanang market vendors sa bagsakan 1 ug 2 nga dili tuhoan niini ang mga negatibong panghuna-huna sa uban nga mawad-an na kini og puwesto human nga gamiton na sa Lanao Milling Corp. ang maong luna nga ilang nahimutangan. Sumala ni Vera Cruz, paningkamutan nila ni Mayor Regencia nga hangyoon ang tag-iya sa luna sa Bagsakan 1 ug 2 nga lugwayan pa ang gihatag niini nga extension. Dugang pa ni Vera Cruz nga dili nila tugotan ni Regencia ug sa kaubang konsehales nga mawad-an og panginabuhian ang mga vendors nga naningkamot alang sa ilang pamilya. Sigon ni Vera Cruz nga gilantaw sa kasamtangang administrasyon ang ilang kaayohan hilabi na ang mga yanong katawhan sa dakbayan nga nanginabuhi lamang.

 

– Maricris Jumalon Tumimbang / CIO