Tuesday, June 25, 2019

BISE-MAYOR VERA CRUZ, SUBLING NAGPADAYAG SA DAKONG PAGSUPAK SA SMALL TOWN LOTTERY (STL)

(Huwebes, Ika-10 sa Enero 2019)

 

SUBLING nagpadayag si Bise Mayor Jemar Vera Cruz sa iyang dakong pagsupak kalabot sa operasyon sa Small Town Lottery (STL) diri sa dakbayan human giduso ug gihisgotan kini pagbalik pinaagi sa gidusong resolusyon ni Konsehal Renato Ancis sa pinakaunang SP regular session ning tuiga. Kahinumdoman, nga una pa lamang dako na kaayong supak si Vera Cruz sa pagsulod sa STL diri sa Iligan kay sumala pa, usa lamang kining hinungdan nga ang kabos mosamot pagkakabos. Ug girekomenda pa niini ngadto sa kapulisan nga doblehon ang pagpaningkamot alang sa pagsikop sa ilegal gambling diri sa dakbayan.

 

– Maricris Jumalon Tumimbang / CIO