Wednesday, May 22, 2019

CHIEF OF HOSPITAL-DRA. VALDEHUEZA, NAGPADAYAG SA IYANG SENTIMENTO KALABOT SA PROCUREMENT SA MGA EQUIPO ALANG SA CITY HOSPITAL

(Biyernes, Ika-15 sa Marso 2019)

 

GIPADAYAG ni Dra. Eflieda Valdehueza, ang Chief of Hospital sa GTLMH ning dakbayan ang iyang sentimento atubangan sa mga konsehales ning dakbayan atol sa SP regular session kalabot sa procurement sa mga equipo partikular sa ultra sound machine nga adunay isyu sa overpricing. Diin, gilinaw sa doktora nga walay negosyo ug binuang nga gihimo sa maong procurement gumikan nga daghang suppliers ang mi presenta ug nagdala sa ilang mga ultrasound machines aron matan-aw niini nga adunay lain-laing high-end. Gitin-aw usab ni Valdehueza ang 1.2 milyones pesos nga presyong gigawas sa mga kritiko sa usa ka klase nga ultrasound machine nga adunay quote sa hospital nga 7.5 milyon pesos, nga dili kini susama sa ultrasound machine nga gitinguha alang sa City Hospital tungod kay daghan ang purpose niini sama sa pag-check sa whole abdomen, breast, thyroid, muscles ug 2D Echo lakip na ang training sa technician nga ipadala ngadto sa Heart Center Cebu o Manila. Dugang ni Valdeheuza nga dako kaayo ang iyang kasubo kay imbes nga nagsugod na ang kalamboan sa City Hospital, aduna pa’y pipila nga mobabag pa niini.

 

– Maricris Jumalon Tumimbang / CIO