Thursday, August 22, 2019

CHO, MIAWHAG USAB SA MGA GINIKANAN NGA HATAGAN OG PROTECTION ANG MGA ANAK ARON SA PAGLIKAY SA LAMOK NGA NAGDALA SA SAKIT NGA DENGUE

(Biyernes, Ika-9 sa Agosto 2019)

 

GIAWHAG usab sa buhatan sa City Health Office (CHO) ning atong dakbayan ang mga ginikanan nga hatagan usab og self-protection ang ilang mga anak ilabina diha sa paglakaw ug pagtungha sa mga tulunghaan. Ang self-protection sumala sa CHO mao ang pagpasul-ob sa mga kabataan ug mga tag-as nga medyas nga matabunan ang ilang tiil aron malikay nga mapaakan og lamok nga dunay dalang sakit nga dengue ingon man ang pagpanghaplas og insect o mosquito repellant. Sa pagkakaron padayong nagpahigayon ang mga tinugyanan sa city health ug “larva survey” ngadto sa mga kabaranggayan aron masusi ang mga tubig kung aktibo ba kini o dili sa sakit nga dengue. Kini usa sa mga lakang nga gihimo sa CHO aron matino nga luwas sa maong sakit ang usa ka baranggay o komunidad. Giawhag usab ang mga residente nga kanunay maglimpyo ilabina sa kahaponon sarang maoy panahon nga mangitlog ang mga lamok nga nagdala sa maong sakit.

 

Maricris Jumalon Tumimbang / CIO

 

 

 

CTTO