Wednesday, October 23, 2019

CHO SUBLING NAGPAHIGAYON OG DEWORMING SA MGA PAMPUBLIKONG TULUNGHAAN SA ILIGAN

(Huwebes, Ika-11 sa Hulyo 2019)

 

SUBLING nagpahigayon ang mga kawani sa City Health Office (CHO) sa pagpangulo ni Cherlina Cañaveral ug “Deworming” kon Purga ngadto sa mga kabataan sa pampublikong tulunghaan sa elementarya diri sa dakbayan. Gihimo ang maong kalihokan aron mapa-ubsan ang impeksiyon nga dala sa Soil Transmitted Helminthiasis (STH) nga usa sa hinungdan sa sakit nga anemia, malnutrisyon, pagkaluya sa pisikal ug mental sa usa ka bata nga pupuwedeng hinungdan usab sa hinay nga performance niini sa school. Unang gipahigayon ang deworming sa North Central School niadtong milabay’ng semana ug laraw karon sa CHO nga isunod ang uban pang pampublikong tunghaan aron mas mapakusgan ang adbokasiya sa Department of Health (DOH) ug mapausbaw ang Water Sanitation Hygiene (WASH) o ang pagpanghugas sa mga kamot sa kanunay ilabi na sa mga bata.

 

Maricris Jumalon Tumimbang / CIO