Friday, December 06, 2019

CHRISTMAS VILLAGE 2019, PADAYONG GIHAN-AY SA EMB

(Miyerkoles, Ika-20 sa Nobyembre 2019)

 

PADAYONG gihan-ay og gituki sa Executive Management Board (EMB) Christmas Celebration 2019 pinaagi sa siris nga panagtagbo aron sa paghisgot  kabahin sa mga  preparasyon ug  kalihokan alang sa Christmas Village  nga gitakda sugdan karong Desyembre 2, 2019.

Kini ubos sa pagdumala ni City Councilor Charles Tamula ang Over-All Chairman sa mga kalihokan sa pasko uban ni City Councilor Lamberto Macapagal Jr. ang Vice-Chairman sa naasoy nga kalihokan sa pasko duyog sa mga miyembro niini.

Unang gihisgotan ang paynal lumpong (Final Clustering) sa tanang LGU-Departments sa mga dapit o lugar sa City Hall, sanglit  ang  Tema niini mao ang “Free style alang sa Christmas Village”.

Dunay gihimong gabayan (Guidelines) sa tanang kalihokon  sama sa Sangka sa Panaygon Contest; Citywide Christmas Decoration; Taboan matag adlaw’ng Biyernes hangtod Dominggo sa City Hall; Opening sa Christmas Village; Lightning sa Giant Christmas Tree sa Centennial Park, ingon man ang Christmas Party sa mga empleyado sa lokal nga kagamhanan.

Lakip nga gituki sa EMB, ang laraw paghatag og “Christmas Gift Box” alang sa mga less fortunate nga kabataan gikan sa bukiran bahin sa siyudad, ug ingon usab sa paghatag og “Christmas Gift Pack” alang sa pamilyang indigent o kabos sa komunidad.

 

Maricris Jumalon Tumimbang / CIO