Monday, March 18, 2019

CITY ADMINISTRATOR-ZARAGOSA, MITAMBAG SA MGA KAWANI SA LOKAL NGA KAGAMHANAN ALANG SA EKSAKTONG PAGDUMALANG PINANSIYAL

(Miyerkoles, Ika-13 sa Marso 2019)

 

GITAMBAGAN ni City Administrator-Atty. Leo Zaragosa ang mga kawani sa lokal nga kagamhanan alang sa eksakto ug maayong pagdumala sa ilang pinansiyal human nakaabot niini ang taho nga ubay-ubay sa mga kawani ang nakaprenda ang mga ATM cards. Sumala ni Zaragosa, subo paminawon nga ang uban wala na’y madawat nga sweldo gumikan kay na utang na kini in advance ug gi-prenda ang ilang ATM sa mga tawong mapahimuslanon sama sa mga nagpa-five-six (5/6). Dugang ni Zaragosa nga kinahanglan lamang ang pagdeterminar sa kalahian sa panginahanglanon nga mao’y hatagan og priorities kesa sa mga butang nga gusto lamang. Busa dasig ni Zaragoza nga bawion ang mga nakaprendang ATM ug dili magpahimulos sa mga nagpa-five-six gumikan nagtuo kining mas epektibo ug mas inspirado motrabaho ang usa ka indibidwal nga adunay makuhang tibuok sweldo sa kinsenas ug katapusan isip bayad sa iyang kahago ug paningkamot.

 

– Maricris Jumalon Tumimbang / CIO