Thursday, July 19, 2018

CITY DIRECTOR ROY GA, GITUBAG ANG ISYU KALABOT SA PAGTUGOT SA MGA MOTOR RAIDERS SA ILIGAN NGA DILI NA MAG-SUOT OG HELMET SULOD SA DAKBAYAN

(Lunes, Ika-9 sa Hulyo 2018)

GITUBAG ug gi-klaro ni Iligan City Police Director Leony Roy Ga, ang isyu karon kalabot sa pagtugot sa mga motor raiders nga dili na mag-suot ug helmet sulod sa dakbayan sa Iligan, human kini gidebatehan sa ubang netizens sa social media.
Sumala ni Ga, atul sa pakighinabi sa Radyo Iligan niini, wala kini’y nadawat nga joint memorandum o joint nga direktiba gikan sa Land Transportation Office (LTO) ug sa Philippine National Police (PNP) nga temporaryong dili ipatuman ang pag-suot ug helmet sa mga motor raiders diri sa dakbayan.
Gi-klaro usab ni Ga, nga ang gipagawas nga order o pronouncement gikan ni LTO City Director Madagan, direktiba lamang alang sa mga empleyado sa LTO ug dili apil ang kapulisan.
Busa, gimando ni Ga nga Sundon gihapon ang balaod ug dili lamang ang pronouncement sa usa ka ahensya nga temporaryo lamang ang gi-sulti ug dili pag-implementer sa dili pag-suot og helmet diri sulod sa dakbayan kay diin sumala pa sa opisyal ang pag-suot sa helmet, proteksyon sa mga raiders aron dili maentemano kini panahon nga aduna`y aksidenteng mahitabo o panahon sa emerhensya.

 

– Maricris Jumalon Tumimbang / CIO

###