Friday, October 19, 2018

CITY HEALTH OFFICE PADAYON SA ILANG INFORMATION DISSIMINATION PROGRAM BATOK DENGUE

(Biyernes, Ika-3 sa Agosto 2018)

 

PADAYON sa gihapon ang City Health Office ning dakbayan sa ilang Information dissimination kon information drive program batok dengue human nagkadaghan ug nagkataas pa ang kaso sa maong sakit. Sumala ni Cañaveral nga dakong tabang ang pagpakabana sa tanang katawhan og ang pagkooperar niini aron masugpo og mahilikay ang tanang miyembro sa pamilya sa sakit nga dengue. Diin kinahanglan lamang ang pagsunod og pagbuhat sa 4’s kon 4P’s nga gisabwag sa maong ahensya ngadto sa publiko. Una niini ang pagpangita og pagguba sa mga pinuy-anan sa lamok sama sa ligid, lata, botilya, flower vase, sandayong og kanal. Ikaduha mao ang pagpanalipod sa kaugalingon, sama sa pagsuot sa pajama, pantalon og polo. Ikatulo ang pagpakonsulta hilayon sa doktor human hilantan sulod sa duha ka adlaw og hilabi na kung adunay puntik-puntik nga pula sa panit, iadto hilayon sa ospital. Ika-upat ang pagdumili sa walay pinig og pataka nga fogging, kay kini himoon lamang panahon kung adunay dengue outbreak ang usa ka lugar.

 

– Maricris Jumalon Tumimbang / CIO

###