Thursday, March 23, 2017

CITY MAYOR CELSO G. REGENCIA SUPORTADO SA LIQUOR BAN

(Martes, Ika-14 sa Marso 2017)

 

Hingpit nga ipatuman ni City Mayor Celso Gomera Regencia ang city ordinance mahitungod sa liquor ban diri sa syudad sa Iligan human mapahibalo kini sa 44 ka-mga barangay. Gi-awhag niya ang tanang 44-ka Barangay Kapitan nga suportahan ang maong ordinansa arun mahatagan ug ngipon ang maong balaod. Sumala usab ni Mayor Regencia nga suportado niya ang maong balaod nga giimplementar tungod ang pagtinabangay matud pa maoy susi sa kalambuan sa syudad ug pagdisiplina sa kaugalingon arun mamentinar ang kahusay ug kalinaw. Dugang usab niya ang pag-inum sa dis- oras sa kagabheon makahatag ug kagubot ilabina kung masubrahan kini sa ilimnong makahubog. Ipatuman usab ang curfew hours sa tanang barangay ug ang makalapas dili lang penaltiya ang mahi-aguman kun dili dakpon ug bilangguon kung manubra na kini sa violation.

 

– – – Bobby Capangpangan / City Information Office

###