Saturday, December 15, 2018

CITY POLICE DIRECTOR ALVAREZ, MAPASALAMATON SA KATAWHAN SA ILIGAN

(Huwebes, Ika-11 sa Oktubre 2018)

 

MAPASALAMATON si City Police Director PSSupt. Manuel Sukarno B. Alvarez ngadto sa tanang katawhan ug residente sa dakbayan tungod sa suporta ug kooperasyon nga gipa-ambit niini atol sa usa ka bulang kasaulogan sa Diyandi Festival diri sa Iligan. Gipasigarbo ni Alvarez kay bisan pa nga aduna’y hulga ug naka full alert status ang siyudad, wala’y natala nga dagkong kriminalidad ug mga terroristic activities atol sa maong kasaulogan. Gidayeg sa opisyal ang mga force multipliers nga mi-abag sa kapulisan ug ang pagbisita ni PNP Regional Director- Region 10, PCSupt. Timoteo G. Pacleb nga migahin sa iyang oras aron sa paglibot sa dakbayan aron paghatag og giya ug hugtanong suporta ngadto sa tropa sa kapulisan alang sa malinawon ug malamposong kasaulogan.

 

– Maricris Jumalon Tumimbang / CIO

###