Monday, September 27, 2021

CITY VET OFFICE MIPAHIGAYON OG “PET PAWSHIONISTA” KARONG BULAN SA SETYEMBRE ISIP PAGSAULOG SA WORLD RABIES DAY

(Lunes, Ika-6 sa Septembre 2021)

 

AGI’G suporta ug pag-obserbar sa World Rabies Day Celebration nga gitakda karong Setyembre 28, 2021, gisugdan na sa City Veterenarian’s Office (CVO) ang kalihokan niini alang sa mga fur parents o aduna’y binuhi nga mga iro ug iring alang sa pagsalmot sa “Pet Pawshionista”.Giawhag karon sa buhatan ang mga fur parents nga mosalmot ug ipadala ang litrato o photos sa ilang mga pet diha sa official facebook page sa CVO Iligan.

Ang nasangpit nga kalihokan adunay duha ka kategorya nga mao ang WACKIEST Category ug CUTEST PET Category. GAWAS niini, maghatag usab og libre nga pagbakuna sa anti-rabies sa tanan nga mga iro ug iring, ug libre nga neuter ang CVO sa Septyembre 6 hangtod 24, 2021 (Lunes hangtod Biyernes) diha sa ilang buhatan sa IBJT, Tambo-Hinaplanon, sakop ning dakbayan.

 

Maricris Jumalon Tumimbang / CIO