Monday, April 24, 2017

CITY VETERENARY OFFICE WALAY HUNONG SA ILAHANG MGA KALIHUKAN SA MATAG BARANGAY SA ILIGAN

(Huwebes, Ika-20 sa Abril 2017)

 

WALAY hunong karun sa ilahang mga kalihukan ang pwersa sa City Veterinary Office pinangunahan ni Dra Dhalia Molo-Vallera diha sa pagbisita sa matag kabarangayan niining atong dakbayan. Base sa gipagawas nga record ni Dra.  Vallera ang hepe sa City Veterenary Office nga gikan niadtong pagsulod sa bulan sa Enero hangtud karung bulana mukabat na sa 5,000 ka mga hayop ang nabakunahan sulod sa 20 ka mga barangay niining atong dakbayan. Samtang adtong milabay’ng petsa 18 ug 19 duna silay gipahigayon nga rabbies vaccination sa barangay Kiwalan ug barangay Ubaldo Laya, karung adlawa petsa 20 nagpahigayon sila ug free kapon sa mga iring diha sa ilahang buhatan, petsa 25 sa barangay Palao ipahigayon ang rabbies vaccination, 26 sa Del Carmen, ug 27 sa Villaverde.

Dugang pa sa gibutyag ni Dra. Vallera nga padayon karun ang ilahang mga pagbisita sa matag kabarangayan dinhi sa Iligan ug wala nila usab pasagdahe ang mga hinterland barangay niining atong dakbayan.

 

– – – City Information Office

###