Thursday, August 22, 2019

COMELEC-ILIGAN PADAYONG NAGA-AWHAG ALANG SA VOTER’S REGISTRATION

(Miyerkoles, Ika-7 sa Agosto 2019)

 

PADAYONG naga-awhag karon ang COMELEC-Iligan sa pagpangulo ni Election Officer Atty. Analiza Barredo ngadto sa mga buot magparehistro ingon man sa mga bag-ong botante ilabi na sa mga nag-edad og 15 anyos nga magparehistro o magpatala na sa ilang buhatan aron makasalmot kun makapartisipar  sa umaabot nga SK ug Barangay eleksyon sa Mayo sunod tuig. Sumala sa ahensiya, magpadayon ang ilang pagpangdawat sa mga magparehistro hangtod Setyembre 30, 2019 ug tagaan sa pagtagad kadtong mga bag-ong botante ilabi na ang mga kabatan-onan. Nanawagan usab ang Comelec ngadto sa wala pa nagparehistro nga dili na kinahanglan hulaton pa ang deadline aron dili maghuot sa ilang buhatan.

 

Maricris Jumalon Tumimbang / CIO