Thursday, November 15, 2018

CULTURAL FESTIVAL MANAGEMENT SEMINAR, NAHIGAYON

(Lunes, Ika-9 sa Hulyo 2018)

 

NAGMALAMPUSON ang City Tourism Office sa gipahigayon niining “Cultural Festival Management” Seminar niadtong Biyernes didto sa Plaza Alemania, ning dakbayan. Ang maong seminar gipanguluhan ni Lamberto S. Macapagal Jr., Special Operations Coordinator sa Turismo sa dakbayan ug Nicolette Dela Cruz, Officer-in Charge (OIC) sa nasangpit nga buhatan. Lakip usab nga misalmot mao si Konsehal Sorilie Bacsarpa ug mga opisyales sa Barangay.
Gituki sa maong seminar pinaagi ni Professor Christian Aguado isip mao ang resource speaker, ang kultura ug art sa mga higa-onons, maranao, ug subanen.
Lakip usab nahisgutan, ang pag-ila sa mga musika, instrumento, ug hilabi na ang kalainan sa mga kasuotan sa mga nasangpit nga tribo diri sa Iligan.
Tumong sa maong seminar, nga mapaambit ug ma-apod-apod ngadto sa mga kabarangayan ug sa mga indibidwal nga gustong mosalmot sa Street dancing competition karong umaabot nga kapiyestahan, ang tanang eksaktong detalye kalabot sa kultura sa Maranao ug Higa-onon nga parte usab sa kultura sa dakbayan sa Iligan.

 

– Maricris Jumalon Tumimbang / CIO

###