Saturday, December 07, 2019

DAKBAYAN SA ILIGAN, MIDUYOG SA “DUGONG BOMBO 2019”

(Biyernes, Ika-29 sa Nobyembre 2019)

 

MALAMPOSONG miduyog ang dakbayan sa Iligan sa bloodletting activity nga gipasiugda sa Bombo Radyo Philippine Network nga gitawag og “ Dugong Bombo 2019” ubos sa tema karong tuiga nga: “A Little Pain, A Life to Gain”, niadtong Nobyemre 16, Sabado sa Robinsons Place Iligan.

Diin, nagkahiusa ang mga local government employees ug opisyal, mga ordinaryong tawo, kasundalohan, kapulisan , magtutudlo, ug mga medical staff aron molampos ang maong kalihokan ug mikabat ngadto sa 80 ka bags sa dugo ang nakolekta sa City Mayors-Bloodletting Team nga gipangulohan ni Wilma Beñiga. Tumong sa tinuig nga kalihokan sa Bombo Radyo nga makabaton og igong supply sa dugo ang mga blood banks sa tibuok nasod ug mabutang sa hunahuna ang sosyal nga responsibilidad sa matag indibidwal aron sa pagtabang sa mga nanginahanglan og dugo.

 

Maricris Jumalon Tumimbang / CIO