Tuesday, January 18, 2022

DILG MI-AWHAG SA SANGGUNIANG KABATAAN NGA MOLIHOK O MAKIGLAMBIGIT ISIP DATA ENCODERS ALANG SA NATIONAL VACCINATION DAY

(Miyerkoles, Ika-24 sa Nobyembre 2021)

 

ISIP pagsuporta sa Bayanihan Bakunahan National Vaccination Days, ang Department of the Interior and Local Government (DILG) mopalihok sa mga miyembro sa Sangguniang Kabataan (SK) aron masiguro ang igong manpower atol sa simultaneous vaccination drive gikan Nobyembre 29 hangtod Disyembre 1, 2021.

Matod sa DILG, siguraduhon niini nga makab-ot ang mga panginahanglanon sa logistik sa pagbakuna. Kini tungod sayod ang ahensiya nga kinahanglan pa og daghang data encoders ug dako ang mai-ambit sa Sangguniang Kabataan sa tibuok nasod.

Matod pa ang sektor sa kabatan-onan nga gipangulohan sa SK mipadayag sa ilang kaandam nga mohatag og suporta sa Manpower ngadto sa tulo ka adlaw nga vaccination drive aron masiguro ang hapsay nga pagpahigayon sa kalihokan. Sigon sa DILG nga hugot na silang nakig alayon sa National Youth Commission ug sa SK Federation bahin niini.

 

Maricris Jumalon Tumimbang / CIO