Friday, December 04, 2020

DILG, MIMANDO SA MGA LGUs UG KUMANDER SA KAPULISAN NGA ISEGURONG SARADO GAYUD ANG TANANG PAMPUBLIKO O PRIBADONG SEMENTERYO GIKAN OKTOBRE 29 HANGTOD NOBYEMBRE 4

(Martes, Ika-27 sa Oktubre 2020)

 

GIMANDO karon sa Department of Interior & Local Government (DILG) sa mga Local Government Units (LGUs) ingon man sa mga kumander sa kapulisan nga siguruhon gayud ang tanan nga pribado ug publikong sementeryo, memorial park, ug colamburiums sirado sugod Oktobre 29 hangtod Nobyembre 4, 2020, nga diin gimando sab sa Presidente. Sumala sa DILG, bisan pa nga adunay pag-flattened sa curve sa Covid-19 sa nasud ug pagkunhod sa mga kaso, nagpabilin gihapon ang virus ug kinahanglan gihapon nga i-seguro sa mga lokal nga kagamhanan nga walay panagtapok sa mga sementeryo sulod sa ilang hurisdiksyon.

Gimando sab sa ahensya sa tanan ang mga kumander sa pulisya sa tibuok nasud nga magbutang help desk sa ganghaan sa mga sementeryo ug foot patrol aron masiguro ang pagtuman sa mga regulasyon sa Inter Agency Task Force (IATF). Gihangyo sab ang kooperasyon sa publiko nga magpabilin na lamang una sa panimalay sa Oktubre 29 hangtod Nobyembre 4, 2020.

 

Maricris Jumalon Tumimbang / CIO