Thursday, August 05, 2021

DISTRIBUSYON SA LIBRENG GAMIT PANG-AGRIKULTURA SA MGA MAG-UUMA SA ILIGAN, NAGPADAYON

(Merkoles, Ika-19 sa Mayo 2021)

 

NAGPADAYON ang lokal nga kagamhanan sa distribusyon sa libreng gamit pang-agrikultura ngadto sa mga mag-uuma dinhi sa dakbayan sa Iligan.

Gani niadtong milabay’ng adlaw Merkoles, gitunol sa mga opisyales sa siyudad sa panguna ni Vice-Mayor Jemar L. Vera Cruz uban nila Konsehal Sorilie Bacsarpa, ang Committee Chair sa Agrikultura, Councilor Ian Uy ug mga kawani sa City Agriculture’s Office (CAG) sa mga mag-uuma sa Barangay Dulag ang mga Farm Inputs sama sa Seeds, fertilizers, ug Sprayers.

Tungod niinin mapasalamaton ang Barangay Dulag Farmers sa panguna ni Punong Barangay Nato sa mga Farm Inputs nga ilang nadawat. Lakip sab nga gitanyag kanila mao ang libre nga padaro, insurance, ug libre nga barangay clearance isip requirement aron ma-proseso ang pagpa- insured sa ilang mga tanom ug mga alagang kahayopan.

 

Maricris Jumalon Tumimbang / CIO

 

photo credit: Monsi Vera Cruz