Friday, October 19, 2018

DIYANDI EXECOM VICE-CHAIRMAN MACKY MACAPAGAL, GIDAYEG ANG MALAMPOSONG DIYANDI STREET DANCING

(Huwebes, Ika-11 sa Oktubre 2018)

 

GIDAYEG ni Diyandi Execituve Committee Vice-Chairman Macky Macapagal ang malamposong Diyandi Street Dancing ubos sa pagdumala ug pagpangulo ni Socio Cultural Chairman Professor Christian T.N. Aguado. Sumala ni Macapagal, mas nindot ug mas bibo ang maong street dancing competition karong tuiga kompara niadtong milabay’ng tuig bisan unom lamang ka mga contingents ang nagsangka. Gipamahayag ni Macapagal atol sa Iligan City Culture & Arts Development (ICCAD) Council Meeting niadtong milabay’ng adlaw didto sa Ethnic Center, nga nagpasalamat kini kay nahimong malamposon ug malinawon ang pagsaulog ug pagpahigayon sa maong competition. Alayon niini nagpasalamat usab si Macapagal ug Aguado ngadto sa Maranao ug Higaonon Communities nga misalmot sa pika-unang higayon sa maong nasangpit nga kalihokan.

 

– Maricris Jumalon Tumimbang / CIO

###