Monday, September 27, 2021

DOH-10 MITUNOL SA GIGAHIN NGA SPECIAL RISK ALLOWANCE (SRA) ALANG SA MGA HEALTH WORKERS SA ILIGAN

(Martes, Ika-7 sa Septembre 2021)

 

GITUNOL sa Department of Region 10 ang mga cheke kay Iligan City Mayor Celso G. Regencia nga gigahin alang sa Special Risk Allowance (SRA) alang sa mga healthworkers dinhi sa dakbayan gikan sa bulan sa Enero hangtod Marso ning tuig.

Kini pinaagi sa pagpanguna ni Dr. Jose R. Llacuna Jr., ang Regional Director sa DOH 10.
Ang maong mga cheke gilangkoban sa kantidad nga P3.5 milyones ka pesos ngadto sa P1.3 milyones ka pesos alang sa Gregorio T. Lluch Memorial Hospital (GTLMH) ug sa kantidad nga P292 thousand pesos ug P 564 thousand pesos alang sa City Health Office (CHO).

Mapasalamaton si Mayor Regencia sa DOH-10 sa maong mga cheke, nga diin gitunol usab gilayon ngadto sa mga hingtungdang ahensiya pinaagi nila Dr. Richillo Daguman (alang sa Gregorio T. Lluch Memorial Hospital) ug Dr. Bunz Lim (alang sa City Health Office).
Kini aron usab mahatag dayon sa mga medical health workers kinsa direktang nagdumala sa mga pasyente nga positibo sa covid-19 dinhi sa siyudad isip ilang Special Risk Allowance (SRA).

 

Maricris Jumalon Tumimbang / CIO

 

photo credits: LGU- Iligan page