Wednesday, November 20, 2019

DTI , LPCC ILIGAN NAGPAHIGAYON SA IKA-UPAT NGA VENDORS QUIZ

(Biyernes, Ika-8 sa Nobyembre 2019

 

ILIGAN CITY – Sa kulminasyon sa pagsaulog sa 2019 Consumer Welfare Month, nga aduna’y tema nga : “Sustainable Consumption: Understanding the Impact of Consumer’s Choices in a Shared Environment”, gi-organesar sa Department of Trade and Industry (DTI) Lanao Del Norte uban sa Local Price Coordinating Council (LPCC) Iligan pinaagi sa Economic Enterprise Development & Management Office (EEDMO), ang usa ka Vendors Quiz Bee alang sa mga mamaligya’ay sa merkado ning dakbayan, ni-adtong Oktobre 30, 2019 sa Robinsons Place Iligan.

Ang kompetisyon gitambongan sa 44 ka mga market vendors gikan sa Wet Central Market ingon man sa Tambo Market . Ang katuyoan sa kalihokan, mao ang pagpataas sa kahibalo sa mga market vendors sa natad sa patigayon ug ekonomiya isip mamaligya-ay og ingon man ang katungod sa usa ka “consumer” kon unsa ang ilang nasabtan kabahin niini.    Laraw usab sa maong kalihokan, mapalambo ang mga tigpamaligya sa merkado ingon man ang eksaktong pamatasan sa pagpamaligya kun “retailers ethical business practices”. Ang mga pagsulay nahulog sa duha ka kategoriya, nga mao ang “True or False ug Multiple choice”.

Samtang, sila City Veterenarian Officer Dr. Dahlia Valera , City Mayor’s- Permits & Licenses Division Head Ms. Judith Surmeon, ug Economic Enterprise Development & Management Officer Ms.Virginia Junsan ang nahimong hukom sa nasangpit nga kalihokan.

Mitambong usab sila si Iligan City Councilor Demosthenes Plando , ang Chairman sa Committee on Trade, Commerce & Industry , ug Atty. Dexter Rey Sumaoy, ang hepe sa City General Services Office ang mihatag usab og mensahe sa mga nagpartisipar nga market vendors.

Sa pagtapos sa quiz bee, nakuha ni Elena H. Dumalaog ang 3rd Place nga adunay ganting salapi ug tropeyo, samtang si Julan Borbon ang nag-angkon sa 2nd Place ug si Fides Soy ang nakakuha sa 1st Place.

 

Maricris Jumalon Tumimbang / CIO