Saturday, July 20, 2019

EEDMO MANAGER JUNSAN, GIDAYEG ANG DAKONG PAG-USWAG SA KOLEKSIYON SA SLAUGHTER HOUSE NING DAKBAYAN SULOD SA TULO LAMANG KA BULAN KARONG TUIG 2019

(Martes, Ika-16 sa Abril 2019)

 

GIILA ni Virginia Junsan, ang hepe sa Economic Enterprise Development & Management Office (EEDMO) ang usa sa ilang division nga mao ang Slaughter House human mikabat ang kahimoan ug koleksiyon niini ngadto sa P 3,841,828.20 sulod lamang sa tulo ka bulan gikan Enero hantod Marso, ning kasamtangang tuig. Sumala ni Junsan, dako kaayo ang giuswag niini gumikan niadtong milabay’ng tuig, anaa lamang ngadto sa kapin kun kulang P200, 000.00 ang kita sa Slaughter house kada bulan. Samtang karong tuiga, mikita na kini sa dili mo-ubos ngadto sa 1.2 milyones kada bulan. Gidayeg ug gipasalamatan usab ni Junsan ang nagdumala sa slaughter house nga si Antonio Flores tungod sa pagpaningkamot ug sa maayong pagdumala niini sa slaughter house ning dakbayan.

 

Maricris Jumalon Tumimbang / CIO