Thursday, November 15, 2018

ELEVATOR SA SANGGUNIANG PANLUNGSOD, SUNOD NGA PROYEKTO SA 16TH COUNCIL, SIGON NI ACTING VICE MAYOR TATAY HUERTAS

(Martes, Ika-10 sa Hulyo 2018)

 

SUNOD iduso karon nga proyekto sa mga konsehales sa dakbayan mao ang elevator ngadto sa Sangguniang Panlungsod, mao kini ang gipamahayag ni Acting Vice Mayor Samuel “Tatay” Huertas atol sa paghatag niini sa mga kinadayagan o highlights sa SP niadtong Lunes, didto sa City Hall. Gikabutyag ni Huertas, nga plano gayud sa 16th council nga mahimoan ug elevator ang Sangguniang Panlungsod aron dili na maglisod ang mga person with disabilities (PWD’s), ug mga senior citizens sa pagsaka sa hagdanan panahon nga kini moadto sa usa sa mga buhatan sa mga konsehales sa siyudad. Gipahayag usab sa acting vice mayor ang mga improvement o mga kausbawan sa Sangguniang Panlungsod susama sa pagdebelop niini sa mga cubicles sa secretariat, bag-ong buhatan sa mga konsehales ug ang mga kausaban sa mga restrooms. Gidugang usab ni Huertas, nga gikan niadtong bulan sa Pebrero hangtud Hunyo karong kasamtangang tuig, 283 resolutions ang naipasa ngadto sa Sangguniang Panlungsod (SP) ug 36 na ka city ordinance ang nahimo ug ang tanan alang sa kalambuan sa dakbayan.

 

– Maricris Jumalon Tumimbang / CIO

###