Tuesday, May 23, 2017

FULL IMPLEMENTATION SA ANTI-LIQUOR ORDINANCE HINGPIT NA NGA MAPATUMAN

(Miyerkules, Ika-10 sa Mayo 2017)

 

GIHULAT na lamang ang katapusang publication karong May 12 aron hingpit na nga ma-ipatuman ang full implementation sa City Ordinance No. 16-6536 kun mas gi-ilang Liquor Ban sa tanang establisemento, inn, tavern, nightclub, restaurant, store owner ug sari-sari store sa tibook bahin sa atong dakbayan sa Iligan. Base sa maong balaod nga gidili na ang pagbaligya sa mga ilimnong makahubog gikan sa ala-una sa kadlawon hangtod sa alas-6 sa sayong kabuntagon.

Ang mga musupak sa maong balaod dunay multang silot nga ipahamtang. Sa mga indibidwal nga masapon nga sa unang opensa ang pagabayron ug usa ka libo ka pesos o community service, ikaduhang opensa 2 mil pesos ug sa ikatulong opensa 3 mil pesos o pagkabilanggo sulod sa tulo ka adlaw ug dili mulapas sa unom ka adlaw. Samtang sa mga establisemento, 4 mil pesos sa unang opensa, 5 mil pesos sa ikaduhang opensa ug 5 mil pesos sa ikatulong opensa ug lakip na ang pag-revoke sa ilang license to operate.

 

– – Bobby Capangpangan/CIO

###