Friday, February 28, 2020

GROUNDBREAKING CEREMONY SA PAGATUKURONG NEW PALA-O PUBLIC MARKET, POSIBLENG HIMOON KARONG PEBRERO 20

(Martes, Ika-7 sa Pebrero 2020)

 

CITY VICE-MAYOR OFFICE — Gikabutyag ni Bise-mayor Jemar Vera Cruz nga posibleng himoon na karong Pebrero 20 ang Groundbreaking Ceremony sa pagatukurong Bag-o ug Modernong Merkado Publiko dinhi sa dakbayan. Kini tungod og matod pa, nga buot ni Mayor Celso G. Regencia nga trabaho-on gyud gilayon ang maong proyekto panahon nga aduna nay modaog nga kontraktor.

Gikumpirmar usab sa ikaduhang amahan sa siyudad nga buot ni Mayor Regencia nga anaa na ang tanang mga ekipo nga gamiton sa kontraktor ayha sila magpahigayon og groundbreaking.

Dugtong pamahayag sa Bise-Mayor human sa groundbreaking, sugdan na dayon ang pagtrabaho sa merkado publiko ug dili na kinahanglan dugay-dugayon pa tungod kay tsansa na kini nga matuman ang damgo sa kadaghanan ug sa tanang Ilignon magbubuhis nga makabaton na kita og bag-o, hamugaway ug modernong pampublikong merkado ang Dakbayan sa Iligan.

 

Maricris Jumalon Tumimbang / CIO