Wednesday, August 22, 2018

HEPE SA TANANG DEPARTAMENTO SA KAGAMHANANG LOKAL, GIPATAWAG ALANG SA UNANG PANAGTIGUM KAUBAN ANG ACTING MAYOR – VICE MAYOR VERA CRUZ

(Lunes, Ika-11 sa Hunyo 2018)

 

NAGPATAWAG si Acting Mayor – Vice Mayor Jemar Vera Cruz ngadto sa tanang hepe sa nagkalain-laing departamento sa City Hall alang sa unang panagtigum niini kauban ang mga opisyal isip mao ang acting mayor karon diri sa dakbayan. Gipamahayag ni Vera Cruz atol sa pagkayab sa nasudnong bandila, nga kinahanglan niining mahinabi ang mga department heads aron madiskusyunan og masayran niini ang mga problema o isyu gikan sa mga nagkalain-laing departamento sa kagamhanang lokal. Alayon niini, gimanduan usab ni Vera Cruz ang mga department heads nga maghimo og imbentaryo sa mga casual employees sa ilang nagka-iya-iyang departamento aron maklaro og matino ang tinood nga mga trabahante sa ilang mga buhatan.

 

– Maricris Jumalon Tumimbang / CIO

###