Saturday, December 07, 2019

HUGTANONG PAKIGBISOG BATOK DROGA, MAYOR REGENCIA MIDASIG SA KAPULISAN

(Huwebes, Ika-28 sa Nobyembre 2019)

 

Gidasig ni Iligan City Mayor Celso G. Regencia ang kapulisan ilabi na ang mga sakop sa Intelligence Unit nga kung mahimo pakusgan pa niini ang pakigbisog aron hingpit na gayod mapakgang ang ilegal nga droga diri sa dakbayan sa Iligan.

Mao kini ang giluwatang pamahayag sa amahan sa dakbayan sa Iligan  atol sa pagkayab sa nasodnong bandila sa City Hall kung asa mitambong ang mga opisyales sa kapulisan nga gi-pangulohan ni Iligan City Director PCOL. Michael Pareja.

Sumala pa ni Mayor Regencia, dako kaayo ang epekto sa pamuyo ang usa ka tawo kon anaa naulipon sa ginadiling droga sama sa ‘Shabu ug Marijuana’ ilabi na kon aduna na silay pamilya. Tungod niini, dako ang mga posibilidad mawagtang kanila ang tanan ug posible usab mahilakip pati ang ilang kaugalingon ug mamahimo usab nila nga kontra sa katilingban gumikan sa pag-gamit sa ginadiling droga.

 

Maricris Jumalon Tumimbang / CIO