Saturday, September 21, 2019

ILIGAN CITY TRAFFIC MANAGEMENT & PARKING OFFICE (ICTMPO), MIKOLEKTA’G P281, 850.00 SULOD SA BULAN SA AGOSTO 2019

(Miyerkoles, Ika-11 sa Septembre 2019)

 

MIKABAT ngadto sa Dosyentos otsentay uno mil ug Otsentay sentos singkwenta ka pesos (P281, 850.00) ang nakolekta sa Iligan City Traffic Management & Parking Office (ICTMPO)–Traffic Enforcement Section pinaagi ni Clodito C. Omondang, ang hepe sa maong buhatan, sulod lamang sa bulan sa Agosto, tuig 2019. Base sa tala sa maong ahensya, ang dakong porsiyento sa ilang nakolekta nagikan sa penalties sa traffic violations nga diin gilangkoban sa PNP apprehension nga miabot ngadto sa P29,850.00, Traffic Field– P65,350.00 ug sa Quick Response team apprehensions nga mikabat sa P183,250.00. Samtang sa issuance sa Traffic Clearance miabot ngadto sa P3, 400.00, nga diin kung isuma total mikabat ang tanang nakolekta sa Traffic Office ngadto sa P281, 850.00 pesos nga kinsa mas taas kumpara niadtong bulan sa Hulyo. Samtang sa laing gihimong Operasyon sa ICTMPO, siyam (9) ka motorila o tricab ang ilang nadakpan ug na-impound, walo (8) ang sakyanan tungod sa Illegal Terminal, ug bente-dos (22) ka mga trisicad ang nadakpan ug na-impound sulod sa bulan sa Agosto.

 

Maricris Jumalon Tumimbang / CIO