Saturday, February 27, 2021

ILIGAN CITY TRAFFIC & PARKING MANAGEMENT OFFICE (ICTPMO), MIKOLEKTA’G DUL-AN P370 MILYONES SA BULAN SA DISYEMBRE 2020

(Huwebes, Ika-28 sa Enero 2021)

 

DUL-AN sa P370 milyones ka pesos ang nakolekta sa Iligan City Traffic and Parking Management Office (ICTPMO)–Traffic Enforcement Section sulod sa bulan sa Disyembre, 2020.

Base sa monthly accomplishment report nga gipasa sa ahensiya sa City Information Office, ang dakong porsiyento sa ilang nakolekta nagikan sa penalties sa traffic violations nga gilangkoban Quick Response team apprehensions, Traffic Field Personnel Apprehensions, ug PNP apprehensions.

Sa Quick Response team apprehensions mikabat ngadto sa P100,400.00 ang nakolekta sa buhatan nga diin gilangkoban sa 12 ka trisicad nga gi-impound ug 51 ka yunit nga motorsiklo. Samtang sa Traffic Field apprehensions, anaa sa P241,250.00 ang nakolekta.

Sa PNP apprehensions, nakakolekta kini og P23,350.00; Samtang sa Issuance sa Traffic Clearance naka-kolekta ang ahensiya og P2, 050.00, diin sumatotal, mikabat ang tanan ngadto sa P367,050.00 sulod sa bulan sa Disyembre tuig 2020.

 

Maricris Jumalon Tumimbang / CIO