Wednesday, November 20, 2019

ILIGAN CITY TRAFFIC & PARKING MANAGEMENT OFFICE, MIKOLEKTA’G DOSIENTOS KUWARENTA’Y NUEBE MIL UG DOSIENTOS KA PESOS (P 249,200.00) SULOD SA BULAN SA OKTUBRE

(Biyernes, Ika-8 sa Nobyembre 2019

MIKABAT ngadto sa dosientos kuwarenta’y nuebe mil ug dosientos ka pesos (P249, 200) ang nakolekta sa Iligan City Traffic and Parking Management Office – traffic enforcement section sa pagpangulo ni Allen T. Auditor, ang bag-ong hepe sa maong buhatan.

Sulod sa bulan sa Oktubre, mitala ang ahensya sa ilang nakolekta gikan sa penalties sa traffic violations nga diin gilangkuban sa PNP apprehension – 23,700 pesos, Traffic Field Personnel – 113,500 pesos, Quick Response team apprehension– 105,650 pesos , ug Traffic Clearance Fee nga 6,350 pesos nga kung i-sumatotal ang tanan , mikabat kini ngadto sa 249, 200 pesos.

Samtang sa gihimo nga operasyon sa ICTPMO, miabot ngadto sa 39 ka mga trisicad ang na-impound ug na-released, 58 ka motor ang nadakpan, na-impound ug na-release samtang 2 ang sa sakyanan.

 

Maricris Jumalon Tumimbang / CIO