Saturday, December 07, 2019

ILLEGAL MINI MARKET SA PALA-O, GIOPERASYONAN SA CMO ANTI-LITTERING TASK FORCE, HAPSAY DALAN, TRAFFIC UG PNP

(Biyernes, Ika-9 sa Agosto 2019)

 

NAGHIUSA sa usa ka operasyon ang CMO Anti Littering Task Force, Hapsay Dalan, Traffic ingon man ang Iligan City Police sa pagpahigayon og closure operation sa gihimong Illegal Mini Market sa Chico St, Pala-o ning dakbayan. Gihimo ang operasyon niadtong niaging adlaw, Agosto 6 sa pagpangulo ni Pio N. Bacong, ang hepe sa CMO Illegal Terminal Task Force. Sumala ni Bacong, gihatagan nila ug lima ka adlaw ang mga naninda sa maong mini market ug gi-served niini ang Notice to Demolish niadtong unang adlaw pa lamang sa Agosto ug tungod nga padayon gihapong nagdumili ang mga naninda bisan pa man nga ilegal ug walay permit, kinahanglan na gayod kining ipasara. Dugang ni Bacong nga anaa sa balaod nga ang pagpaninda og isda kinahanglan himoon ug buhaton sa eksaktong lugar nga mao ang merkado o talipapa ug dili bisan asa.

 

Maricris Jumalon Tumimbang / CIO

 

photo credits: Scorps PD