| Paningkamot sa LACOCOF batok sa privatization sa Agus, Pulangi complexes,suportado sa siyudad |
|
|
|
| Friday, 28 August 2009 | |
|
Subling gipahayag ni Mayor Lawrence Lluch Cruz nga suportado sa mga opisyal sa siyudad ang mga paningkamot karon sa Lanao Power Consumers Federation (LAPOCOF) nga babagan ang privatization sa Agus ug Pulangi Hydro-Electric Plants pag-abot sa tuig 2011.
Matud pa, uyon siya, si Congressman Varf Belmonte ug mga sakop sa konseho, sa nakita sa LAPOCOF nga posibleng dugang na usab nga pagsaka sa bayronon sa kuryente sa higayon nga mapanag-iya na sa usa ka pribadong kompaniya ang naasoy’ng planta. Dugang pa ni Mayor Cruz, “dakong epekto sa operasyon sa mga industriya dinhi sa siyudad ug sa ubang dapit sa Mindanao ang usbaw na pud unya sa presyo sa kuryente, gawas nga dugang palas-anon kini sa mga ordinaryong konsumante”. Nakalatid sa section 47 sa Energy Power Industry Reform Act kon EPIRA ang full privatization sa Agus ug Pulangi complexes human sa napulo ka tuig sukad kini ipatuman kon pag-abot sa tuig 2011. (mta/boy decena) |
| < Prev | Next > |
|---|