| 634 ka mga pamilyang apektado sa mga court order, gipahaluna ni Mayor Cruz |
|
|
|
| Friday, 05 March 2010 | |
|
Napahiluna na karon ni Mayor Lawrence Lluch Cruz diha sa nagkalain-laing resettlement areas ang 634 ka mga pamilya nga apektado sa mga court order ug ubang mga proyekto.
Base sa talaan sa Housing and Resettlement Office (HRO) ubos sa buhatan sa Mayor, 550 niini ka mga pamilya mao kadtong gipapahawa sa ilang kanhi gipuy-an sa Barangay Mahayahay, Tambacan, Camague (Barangay Tubod), Sta. Felomina ug Dalipuga. Samtang ang 38 ka mga pamilya mao ang apektado sa katukuran sa South Bound Terminal ug ang 46 ka mga pamilya apektado sa Circumferential Road kon C3 project. Pipila lamang sa gitukod sa siyudad nga mga resettlement areas mao ang La Purisima Village diha sa Purok 1 Tipanoy ug Bayug Island sakop sa Hinaplanon. Tinguha sa amahan sa dakbayan nga mahatagan gayud og permanenteng kapuy-an ang mga kabus. (boy decena) |
| < Prev | Next > |
|---|