| ‘10 Million Movement’ ilusad alayon sa 2010 Earth Day Celebration |
|
|
|
| Friday, 05 March 2010 | |
|
Gitinguha ni Mayor Lawrence Lluch Cruz nga mamahimong kabahin ang Dakbayan sa Iligan sa pagsa-ulog sa Earth Day karong tuiga.
Usa niini ang pagsalmot sa gitawag og “10 Million Movement” nga pasi-ugdahan sa Earth Day Network. Kini mao ang paghimo og lokal nga mga kalihukan nga mamahimong parte sa dies milyones ka mga solusyon sa tibuok kalibutan batok sa abnormal nga pag-usab usab sa panahon kon climate change. Pipila sa inisyal nga gisugyot ni Mayor Cruz mao ang pagpanghinlo sa mga kadalanan, kasubaan, bisan mga creek ug uban pa, pagpakaylap sa kasayuran kalabot niini, pagpahigayon og mga environment fora, hugot nga emission testing sa mga sakyanan, istrikto nga pagpatuman sa ‘no smoking’ ug uban pa. Alayon usab niini, nagdasig si Mayor Cruz sa mga katawhan sa Iligan sa pagsalmot sa Earth Hour kon usa ka oras nga pagpalong sa suga karong Marso 27 gikan sa alas 8:30 ngadto sa alas 9:30 sa gabii, agi’g dugang sa napatumang rotating brown out. Tuyo niini ang pagminos sa carbon emission nga nakadaut sa atong ozone layer. (mta) |
| < Prev | Next > |
|---|