1,190 ka pamilya nakabenepisyo sa Housing and Resettlement Program  sa pamuno-an ni

          Miabot na sa 1,190 ka mga pamilya dinhi sa dakbayan ang nakapahimulos sa Housing and Resettlement Program nga gipatuman ubos sa pamuno-an ni Mayor Lawrence Lluch Cruz.

          Gibase kini nga kasayuran nga kasayuran sa labing ulahing sumada sa mga proyekto nga napatuman sa Housing and Resettlement Office sakop sa buhatan ni Mayor Cruz.

          Gilangkuban ang maong gidaghanon sa mga lot awards, deed of sale ug mga titulo nga nahatag ngadto sa mosunod nga mga beneficiaries: Dalipuga Iligan Rebel Returnees, Dalipuga Landless Settlers, Dalipuga Bay View Resettlement, Palmera Hills sa Sta. Felomina, Bliss Village sa Upper Hinaplanon, Zone 4 Del Carmen, Upper Baraas Homeowners Association, Seaside Buruun, Upper Buruun Resettlement, Sto. Niño Resettlement sa Dalipuga, POLHAI Saray, City Government Employees Resettlement sa Puga-an ug La Purisima Village.

          Mibutyag si Mayor Cruz nga madugangan pa ang naasoy’ng kahimo-an tungod kay padayon pa ang paghikay sa ubang mga lot awards diha sa HRO nga gidumala ni Rey Roque. (boy decena)

          Napahiluna na karon ni Mayor Lawrence Lluch Cruz diha sa nagkalain-laing resettlement areas ang 634 ka mga pamilya nga apektado sa mga court order ug ubang mga proyekto.

          Base sa talaan sa Housing and Resettlement  Office (HRO) ubos sa buhatan sa Mayor, 550 niini ka mga pamilya mao kadtong gipapahawa sa ilang kanhi gipuy-an sa Barangay Mahayahay, Tambacan, Camague (Barangay Tubod), Sta. Felomina ug Dalipuga. Samtang ang 38 ka mga pamilya mao ang apektado sa katukuran sa South Bound Terminal ug ang 46 ka mga pamilya apektado sa Circumferential Road kon C3 project.

          Pipila lamang sa gitukod sa siyudad nga mga resettlement areas mao ang La Purisima Village diha sa Purok 1 Tipanoy ug Bayug Island sakop sa Hinaplanon.

          Mibutyag si Mayor Lawrence Lluch Cruz nga na-obserbahan karon sa Boy Scout of the Philippines-Iligan City Council ang dugang kadasig sa natad sa scouting.

          Gihimong basehan sa Chairman sa BSP-Iligan Council ang pagsaka karon sa membership sa boy scout nga gilangkuban sa kid scout, kab scout, boy scout, senior scout ug rover scout.

          Subay sa talaan sa local council sa BSP, miabot na karon sa 9,267 ang membro sa boy scout ang dakbayan kung ikompara sa miaging tuig nga anaa lamang sa 7,000 kapin ka mga membro.

          Niini nga kalambo-an, mapasalamaton si Mayor Cruz kang Schools Division Superintendent Cherry Mae Limbaco ug sa tibuok pamilya sa Department of Education sa nahatag niining kontribusyon sa kahugpungan.

Newswriters: Melvin T. Anggot, Diana Rose R. Cabañero, & Boy Decena                             

Circulation: Arthur L. Sabilla, Wilson Areola, Charito J. Tapic 

MELVIN T. ANGGOT,

In-charge, CMO-CIO