Monday, April 24, 2017

INVESTOR PLANONG MO-INVEST SA NATIONAL STEEL CORPORATION

(Martes, Ika-14 sa Marso 2017)

 

GIBUTYAG ni Iligan City Vice-Mayor Jemar Vera Cruz atol sa flag raising ceremony kagahapong adlawa nga dunay usa ka interesadong investor nga mobobo ug puhunan alang sa pag-abli pagbalik sa National Steel Corporation. Sumala pa ni Vice-Mayor Vera Cruz nga niadtong midu-aw sila kang Pres. Rodrigo Duterte sa dakbayan sa Davao, gibutyag sa presidente nga usa ka negosyante ang mipadayag sa ilang interest alang sa hingpit nga operasyon sa maong planta sa puthaw.

Matod pa nga mokabat sa 1.8 bilyones dolyares ang gigahing pundo alang sa pagbukas sa maong planta. Tungod niini, dako ang kalipay sa mga opisyal sa atong dakbayan ilabina sa atong Mayor Celso G. Regencia tungod sa maong kalambo-an nga makahatag na unya ug daghang panginabuhian sa mga katawhan sa Iligan.

 

– – – Bobby Capangpangan / City Information Office

###