Wednesday, November 20, 2019

3 MILYONES KA PESOS IDONAR SA KAGAMHANANG LOKAL ALANG SA MGA BIKTIMA SA LINOG SA DAVAO OG COTABATO

(Huwebes, Ika-7 sa Nobyembre 2019)

 

MODONAR og 3 milyones pesos ang kagamhanang lokal sa Iligan alang sa mga biktima sa linog sa Davao ug Cotabato. Kini mao ang gibotohan sa mga konsehales sa siyudad atol sa SP session niadtong milabay’ng adlawa, Martes Oktubre 6, human mihangyo ug gipaabot ni Iligan City Mayor Celso G. Regencia nga maaprobahan kini sa mga sakop sa 17th Council. Unang gibutyag ni Mayor Regencia nga aduna siya’y gigahin nga tres milyones pesos aron ihatag sa mga siyudad o lugar nga nahiagom sa linog niadtong Oktubre 16 ug 29, ning tuiga. Ang mga lugar mao ang Tulunan, North Cotabato nga gigahinan sa lokal nga kagamhanan og P400 thousand pesos; Makilala, North Cotabato P400 thousand pesos; Kidapawan City P400 thousand pesos; Magsaysay, Davao del Sur P400 thousand pesos; Digos City P400 thousand pesos, ug Davao City P1 million pesos. Gipamulong usab sa amahan sa dakbayan nga “mas maayo nang kita ang motabang, kay sa kita ang tabangan”.

 

Maricris Jumalon Tumimbang / CIO