Saturday, January 18, 2020

KAHIMOAN SA SANGGUNIANG PANGLUNGSOD SA 2019

(Biyernes, Ika-10 sa Enero 2020)

 

SANGGUNIANG PANLUNGSOD – Mokabat sa 94 ka mga Ordinansa ug 614 ka mga Resolusyon ang nahimo sa 17th Council sa Sangguniang Panlungsod sa tuig 2019. Mao kini ang giluwatang pamahayag ni Acting City Vice Mayor Francis Ryan Ong niadatong adlaw’ng lunes atol sa pagpasaka sa nasodnong bandila Enero 6, 2020 sa anahaw amphi theater.

Usa niini ang larangan sa edukasyon sama sa SAGIPS Scholarship ug Colegio de Iligan nga maoy damgo ni  Mayor Regencia ug sa 17th Council aron makatabang sa mga batang kabos. Sa solid waste management, sa komitiba ni City Councilor Noli Pardillo  sa pag bawal na ang mga plastic sa paggamit para dili kita mahi-agom sa kalamidad sa panahon naay baha ug wala kini gibabagan sa Sangguniang Panglungsod.

Sa larangan sa public safety , komitiba ni  City Councilor Ian Uy nga giwala ang curfew sa mga hamtong pero gapadayon ang pag bantay sa mga kabatan-onan nga magtikaw-tikaw sa kadalanan sa kagabihion. Sa larangan sa turismo, ang komitiba ni konsehal Bacsarpa gisuportahan ug walay babag ang Sangguniang Panglunsod tungod kay kini makahatag og trabaho sa mga katawhan.

Sa larangan sa health-komitiba ni konsehal Lamberto Macapagal, ang pag hatag og libreng tambal sa mga katigulangan nga ma hospital ug sa mga kabos nga nanginahanglan. Sa uban pang mga larangan sa PWD, senior Citizen, indigency program ug uban pa, padayon ug makanunayon ang pag suporta ni Mayor Regencia ug ang 17th council alang sa kaayohan sa mga katawhan sa dakbayan sa Iligan.

 

Tess TL / CIO-WEB