Thursday, August 22, 2019

KAMPANYA BATOK DENGUE, MAS GIPALIG-ON PA SA CITY HEALTH OFFICE

(Biyernes, Ika-9 sa Agosto 2019)

 

MAS gipalig-on ug gipakusgan pa sa City Health Office ning dakbayan ang kampanya batok sa sakit nga Dengue. Kini human nga nagdeklara og National Dengue Epidimic ang mismong nasodnong buhatan sa Department of Health (DOH). Sumala ni City Health Officer Dra. Cherlina Cañaveral, gimando na niini ug mismo ni Mayor Regencia nga himoong aktibo ang 44 ka mga kabaranggayan sa Iligan labot sa pagpatuman sa 4 o’clock habit sa DOH ingon man ang paghimo ug pagsunod sa kampanya sa 4S kun ang pagpanglimpyo sa komunidad sa gawas ug sulod sa mga tagsa-tagsa nila ka panimalay. Dugang pa ni Cañaveral nga ginahimo usab sa ilang mga sanitary inspector ang pagpangunay sa pagsubay sa mga kabaranggayan aron sa paghimo og rekoreda ingon man ang pagpahigayon og Dengue Orientation sa mga tulunghaan sa dakbayan aron mas mapakusgan pa ang pagpahibalo ngadto sa katawhan o komunidad alang sa paglikay sa sakit nga makapatay nga mao ang Dengue.

 

Maricris Jumalon Tumimbang / CIO